एनआरएन इन्फ्रास्ट्रक्चर एण्ड डेभलपमेन्ट लिमिटेडको लाभांश सुरक्षित गर्ने आज पुस ४ गते अन्तिम दिन रहेको छ । कम्पनीले साधारणसभा प्रयोजनको लागि पुस ५ गते बुक क्लोज गर्ने निर्णय गरेकोले आज पुस ४ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउँन सक्ने छन् ।
यस्ता छन् कम्पनीको सभामा पेश हुने प्रस्तावः
–साधारण सभाको लागि सञ्चालक समितिको तर्फबाट प्रस्तुत वार्षिक प्रतिवेदन उपर छलफल गरी पारित गर्ने
–आर्थिक वर्ष २०७८/७९ को वार्षिक नाफा/नोक्सान हिसाब विवरण तथा नगद प्रवाह विवरण र सोही अवधिको वार्षिक वित्तीय विवरणसँग सम्बद्ध अनुसूचीहरु छलफल गरी पारित गर्ने
–आगामी आथिृक वर्षको लागि लेखापरिक्षक नियुक्ति गर्ने
– कम्पनीको हाल कायम रहेको चुक्त पुँजी १ अर्ब २२ करोड ३२ लाख ११ हजार सात सय रुपैयाँको ५.२६ प्रतिशतले हुन आउने ६ करोड ४३ लाख ४० हजार ९३५ रुपैयाँ बराबरको नगद लाभाश(कर सहित) वितरणका लागि स्वीकृति दिने
–लेखापरीक्षण समिति लगायत अनय उपसमितिहरुको बैठक भत्ता निर्धारण गर्ने
