थ्री स्टार हाइड्रोपावर कम्पनीले आईपिओ निष्काशनको अनुमति पाएको छ। नेपाल धितोपत्र बोर्डले चैत्र १७ गते कम्पनीलाई शेयर निष्काशनको लागि अनुमति प्रदान गरेको हो । कम्पनीले आईपिओ निष्काशनको अनुमति माग गर्दै साउन १७ गते आवेदन दिएको हो ।
बोर्डबाट अनुमति पाएसँगै कम्पनीले १२ करोड ३१ लाख २५ हजार बराबरको १२ लाख ३१ हजार २ सय ५० कित्ता शेयर निष्काशन गर्ने छ। यी शेयर आयोजना प्रभावित स्थानीय र सर्वसाधारणलाई निष्काशन हुने छ । शेयर निष्काशनको लागि हिमालयन क्यापिटल बिक्रि प्रबन्धक रहेको छ ।
कम्पनीले खोटाङ जिल्लाको सपसुप खोलामा ६.६ मेगावाटको सपसुप खोला स्मल हाइड्रोपावर आयोजना निर्माण गरिरहेको छ ।