नेपाल स्टक एक्सचेन्ज नेप्सेमा मोलुङ हाइड्रोपावर कम्पनीको शेयर सुचिकृत भएको छ । आज बुधबार कम्पनीको ८० लाख २५ हजार कित्ता शेयर सुचिकृत भएको हो ।
शेयर सुचिकृत भएसँगै बिहिबार कम्पनीको शेयर कारोबार गर्न सकिने भएको छ। बिहिबारको स्पेसल प्रि ओपन सेसनमा पहिलो कारोबार भई मूल्य तय भएपछि नियमित सत्रमा कम्पनीको शेयर कारोबार हुने छ । नेप्सेले कम्पनीको पहिलो कारोबारको लागि ६०.६२ रुपैयाँदेखि १८१.८६ रुपैयाँसम्मको रेन्ज तोकेको छ। यस रेन्जको बीचमा रहेको जुनसुकै मूल्यबाट पहिलो कारोबार हुन सक्ने ब्यबस्था रहेको छ । कम्पनीको MHCL सिम्बलबाट कारोबार हुने छ।
कम्पनीले फागुन ४ देखि फागुन १० गतेसम्म सर्वसाधारणलाई आइपिओ बिक्री खुला गरेको थियो। कम्पनीले कम्पनीमा कार्यरत कर्मचारीको लागि ५४ हजार ५ सय ७० कित्ता शेयर र सर्वसाधारणलाई २२ लाख ६४ हजार ६ सय ५५ कित्ता शेयर निष्काशन गरेको थियो ।
कम्पनीले ओखलढुंगामा ७ मेगावाटको मोलुङखोला जलविद्युत आयोजना निर्माण सम्पन्न गरि २०७४ चैत्र १२ गतेदेखि व्यापरिक उत्पादन गर्दै आईरहेको छ ।
