.gif)
नेपाल पुनर्बीमा कम्पनीले आज असार १५ गते साधारणसभा गर्दै छ । कम्पनीले कालिकास्थान स्थित अमृतभोगमा सभा गर्न लागेको हो । यो आर्थिक वर्ष ७८/७९ को सभा हो ।
यस्ता छन् कम्पनीको सभामा पेश हुने प्रस्तावहरु :
साधारण प्रस्ताव
१. आर्थिक वर्ष २०७८/७९ को सञ्चालक समितिको वार्षिक प्रतिवेदन छलफल गरी पारित गर्ने ।
२. लेखा परीक्षकको प्रतिवेदन सहितको २०७९ असार मसान्तको वासलात, आ.व. २०७८/७९ को नाफा/नोक्सान हिसाब तथा नगद प्रवाह विवरण र वित्तीय विवरणसँग सम्बन्धित अनुसूचीहरु छलफल गरी पारित गर्ने ।
३. कम्पनीको चुक्ता पूँजी रु. १२,२३,२५,००,०००/- (बाह्र अर्व तेइस करोड पच्चीस लाख) को ०.२५ ( शुन्य दशमलव दुई पाँच) प्रतिशत नगद लाभांश (लाभांश कर प्रयोजनार्थ) वितरण गर्न स्वीकृति प्रदान गर्ने ।
४. कम्पनी ऐन, २०६३ को दफा १११ अनुसार आर्थिक वर्ष २०७९/८० को लागि बाह्य लेखापरीक्षकमा टि.आर. उपाध्याय एण्ड कम्पनी, चार्टर्ड एकाउन्टेन्ट्स, लालदरबार, काठमाण्डोलाई नियुक्त गर्ने र पारिश्रमिक निर्धारण गर्ने ।
५. नियमावलीको नियम २७ को उपनियम (२) (ख) अनुसार नेपाल सरकार बाहेकका संस्थागत लगानीकर्ताबाट सञ्चालक समितिमा प्रतिनिधित्व गर्न दुईजना सञ्चालकको निर्वाचन गर्ने ।
विशेष प्रस्तावहरू :
१. कम्पनीको चुक्ता पूँजी रु. १२,२३,२५,००,०००/- (बाह्र अर्व तेइस करोड पच्चीस लाख) को ४.७५ (चार दशमलव सात पाँच) प्रतिशतका दरले हुन आउने रु.५८,१०,४३,७५०/- (अन्ठाउन्न करोड दश लाख त्रिचालीस हजार सात सय पचास) बोनश शेयर वितरण गर्न स्वीकृति प्रदान गर्ने । बोनश शेयर वितरण पश्चात कम्पनीको साविक जारी तथा चुक्ता पूँजीमा बृद्धि भई रु.१२,८१,३५,४३,७५०/- (बाह्र अर्ब एकासी करोड पैंतीस लाख त्रिचालीस हजार सात सय पचास) कायम हुने हुँदा सोही अनुसार प्रबन्धपत्रको दफा ६(२) र ६ (३) संशोधन गर्ने ।
२. कम्पनी ऐन, २०६३ को दफा १०५ को (१) (ग) अनुसार सञ्चालक समितिको निर्णय बमोजिम संस्थागत सामाजिक उत्तरदायित्व अन्तर्गत गरिएका खर्चलाई अनुमोदन गर्ने ।
३. कम्पनीको प्रबन्धपत्र / नियमावलीको प्रस्तावित संशोधनमा नेपाल सरकार वा नियमनकारी निकायहरुबाट कुनै फेर बदलको सुझाव प्राप्त भएमा सो बमोजिम आवश्यक फेरबदल गर्न सञ्चालक समितिलाई अख्तियारी प्रदान गर्ने ।
.gif)
