.gif)
आईएमई लाइफ इन्स्योरेन्सले सर्वसाधारणलाई निष्काशन गरेको आईपिओमा आईपिओ शनिवार बाँडफाँड हुने भएको छ । बिक्री प्रबन्धक सिभिल क्यापिटलले शनिवार बिहान ११ बजे क्यापिटल कै कार्यालयमा शेयर बाँडफाँड गर्न लागेको हो । आईपिओको प्रि अलोटमेन्ट सम्पन्न भईसकेको छ।
आईएमइ लाइफ इन्स्योरेन्सले असार २१ गतेदेखि असार २५ गतेसम्म सर्वसाधारणलाई आईपिओ बिक्री खुला गरेको हो। कम्पनीले सर्वसाधारणलाई ९६ लाख कित्ता शेयर निष्काशन गरेको हो । कम्पनीले अंकित मूल्य १०० रुपैयाँमा १३६.९१ रुपैयाँ प्रिमियम थप गरेर प्रति कित्ता २३६.९१ रुपैयाँमा शेयर निष्काशन गरेको हो ।
आईपिओ निष्काशनपछि कम्पनीको पुंजी ४ अर्ब पुग्ने छ । नेपाल धितोपत्र बोर्डले आज जेठ २३ गते कम्पनीलाई आईपिओ निष्काशनको अनुमति दिएको हो ।
