सिडीएससीले ७ वटा नयाँ ब्रोकरहरुलाई डिपोजिटरी पार्टीसिपेन्ट (डिपी) को सदस्यता प्रदान गरेको छ । आज शुक्रबार सिडीएससीले शेयर कारोबार सुरु गरिसकेका ७ नयाँ ब्रोकरलाई डिपीको सदस्यता प्रदान गरेको छ । यस संगै अब यी कम्पनीले डिम्याट खाता खोल्ने सुविधा प्रदान गर्ने छन् ।
सिडीएसबाट डिपी सदस्यता पाउनेमा भोले गणेश सेक्युरिटिज लिमिटेड, क्यापिटल म्याक्स सेक्युरिटिज लिमिटेड, हिमालय ब्रोकरेज लिमिटेड, सन सेन्युरिटिज प्रा.लि., शेयरप्रो सेक्युरिटिज प्रा.ली. मियो सेक्युरिटिज प्रा.लि., र प्रोपर्टी विजार्ड लिमिटेड रहेका छन् । जस अनुसार भोले गणेश सेक्युरिटिज ब्रोकर नम्बर ६१, क्यापिटल म्याक्स सेक्युरिटिज ब्रोकर नम्बर ६२, हिमालय ब्रोकरेज ब्रोकर नम्बर ६३ , सन सेन्युरिटिज ब्रोकर नम्बर ६४, शेयरप्रो सेक्युरिटिज ब्रोकर नम्बर ६५, मियो सेक्युरिटिज ब्रोकर नम्बर ६६ र प्रोपर्टी विजार्ड लिमिटेड ब्रोकर नम्बर ६७ को रुपमा रहेका छन् ।
