नेपाल स्टक एक्सचेन्ज नेप्सेमा आज बिहिबार ३ वटा कम्पनीको शेयर सुचिकृत भएको छ । आज घोराही सिमेन्ट, थ्री स्टार हाइड्रो र अपर स्यांगे हाइड्रोको शेयर सुचिकृत भएको हो ।
आज घोराही सिमेन्टको ३ करोड ९७ लाख १९ हजार ६ कित्ता शेयर, थ्री स्टार हाइड्रोको ४९ लाख २५ हजार कित्ता शेयर र अपर स्यांगे हाइड्रोको २२ लाख कित्ता शेयर सुचिकृत भएको हो ।
नेप्सेमा शेयर सुचिकृत भएपछि अब लगानीकर्ताले आइतबारबाट यी शेयर खरिद बिक्री गर्न सक्ने छन् । आइतबार नेप्सेको स्पेसल प्रि ओपन सेसनमा पहिलो कारोबार भई मूल्य तय भएपछि नियमित सत्रमा कम्पनीको शेयर कारोबार हुने छ । नेप्सेले पहिलो कारोबारको लागि कम्पनीको नेटवर्थको ३ गुणासम्मको रेन्ज तोक्ने गरेको छ ।
नेप्सेले घोराही सिमेन्टको पहिलो कारोबारको लागि २२६.६१ रुपैयाँ देखि ६७९.८३ रुपैयाँसम्मको सुरुवाती रेन्ज तोकेको छ । यस रेन्जको जुनसुकै मूल्यमा पहिलो कारोबार हुने सक्ने छ । कम्पनीको GCIL सिम्बलबाट कारोबार हुने छ ।
त्यस्तै नेप्सेले थ्री स्टार हाइड्रोको पहिलो कारोबारको लागि ८५.६५ रुपैयाँ देखि २५६.९५ रुपैयाँसम्मको सुरुवाती रेन्ज तोकेको छ । यस रेन्जको जुनसुकै मूल्यमा पहिलो कारोबार हुने सक्ने छ । कम्पनीको TSHL सिम्बलबाट कारोबार हुने छ ।
त्यस्तै नेप्सेले अपर स्यांगे हाइड्रोको पहिलो कारोबारको लागि ८४.७४ रुपैयाँ देखि २५३.६२ रुपैयाँसम्मको सुरुवाती रेन्ज तोकेको छ । यस रेन्जको जुनसुकै मूल्यमा पहिलो कारोबार हुने सक्ने छ । कम्पनीको USHL सिम्बलबाट कारोबार हुने छ ।