नेपाल स्टक एक्सचेन्ज नेप्सेमा लक्ष्मी सनराइज बैंकको शेयर सुचिकृत भएको छ । लक्ष्मी बैंक र सनराइज बैंक मर्ज भएर लक्ष्मी सनराइज बैंक बनेसंगै नेप्सेमा लक्ष्मी सनराइज बैंकको २१ करोड ६७ लाख २ हजार ३ सय ७९ कित्ता शेयर सुचिकृत भएको हो ।
शेयर सुचिकृत भएसंगै सोमबारबाट कम्पनीको शेयर कारोबार गर्न सकिने छ । कम्पनीको १७३ रुपैयाँ ५ पैसाबाट कारोबार सुरु हुने छ । कम्पनीको शेयर एलएसएल (LSL) सिम्बलबाट कारोबार हुने छ ।
लक्ष्मी बैंक र सनराइज बैंक एक आपसमा मर्ज भएर असार २९ गते देखि लक्ष्मी सनराइज बैंकको नामबाट एकिकृत कारोबार शुरु गरेका थिए । यी दुई बैंक समान हैसियत अर्थात् १:१ को स्वापमा मर्ज भएका हुन् ।
मर्जर प्रयोजनको लागि कारोबार रोक्का हुनु अघि साविकको लक्ष्मी बैंकको शेयर मूल्य प्रति कित्ता १७३ रुपैयाँ र साविकको सनराइज बैंकको शेयर मूल्य १७३ रुपैयाँ १० पैसा थियो ।