लगानीकर्ताको चर्याईरहेको घाँउमा राष्ट्रबैंकले थप नुन छर्कियो: राधा पोखरेल

नेपाल पुँजी बजार लगानीकर्ता संघकी अध्यक्ष राधा पोखरेलले खर्बौंको पुँजीबजारसँग राष्ट्र बैंकले लंगुरबुर्जाको जस्तो ब्यवहार गरेको बताएकी छिन् । राष्ट्र बैंकले शेयर धितो कर्जाको १२ करोडको सीमा थोरै मात्र बढाएपछि उनले त्यसमा अशन्तुष्टी जनाउदै खर्बौंको पुँजीबजारसँग राष्ट्र बैंकले लंगुरबुर्जाको जस्तो ब्यवहार गरेको बताएकी हुन्।

लगानीकर्ताको चर्याई रहेको घाँउमा राष्ट्र बैंकले थप नुन चुक छर्किएको प्रतिक्रिया अध्यक्ष पोखरेलले दिएकी छिन् । उनले भनेकी छिन् 'राष्ट्रबैंकका कतिपय बजारविरोधी व्यवस्था, नियामकको बेमौसमी प्रहार, ब्याजको मारमा प्रताड़ित लगानीकर्ता चारै तिर बाँट थिलथिलो हुदै गएको पुँजी बजारमा ब्याजदर वृद्धिको अस्वस्थ प्रतिस्पर्धा लगायतका कारणले बजार घटिरहँदा धेरै लगानीकर्ता अलमलमा छदैछन् त्यस्को बाबजुद लगानीकर्ता हरुलाई चर्याई रहेको घाँउमा राष्ट्रबैंकले थप नुन चुक छर्किएको छ ।'