व्यापरिक घराना शंकर समुह अन्तर्गतको जगदम्बा स्टिल्सले प्रिमियममा आईपीओ निष्काशन गर्ने भएको छ । कम्पनीले आईपीओ निष्काशन अनुमतिको माग गर्दै असोज १७ गते नेपाल धितोपत्र बोर्डमा आवेदन दिएको छ ।
कम्पनीले अंकित मूल्य १०० रुपैयाँमा २०० रुपैयाँ प्रिमियम थप गरेर प्रति कित्ता ३०० रुपैंयामा शेयर निष्काशन गर्ने प्रस्ताव गरेको हो । कम्पनीले २ करोड ७० हजार कित्ता शेयर निष्काशन गर्ने प्रस्ताव गरेको हो । यस मार्फत कम्पनीले कुल ६ अर्ब २ करोड १० लाख रुपैयाँ संकलन गर्ने छ ।
कम्पनीले शेयर निष्काशनको लागि सिद्धार्थ क्यापिटललाई बिक्री प्रबन्धक चयन गरेको छ । बोर्डले अनुमति दिएपछि कम्पनीले आईपीओ निष्काशन गर्ने छ ।
