स्वावलम्बन लघुवित्तले लाभांश घोषणा गरेको छ । कम्पनीको असोज ३० गते बसेको संचालक समितिको बैठकले आर्थिक वर्ष २०७९/८० को मुनाफाबाट वितरण गर्ने लाभांश प्रस्ताव गरेको हो ।
जस अनुसार कम्पनीले हाल कायम चुक्ता पुँजीको १२.३५९९ प्रतिशत बोनस शेयर र कर प्रयोजनको लागि ०.६५०५ प्रतिशत नगद लाभांश गरि कुल १३.०१०४ प्रतिशत लाभांश वितरण गर्ने प्रस्ताव गरेको हो । हाल कम्पनीको चुक्ता पुँजी १ अर्ब २९ करोड ४ लाख रुपैयाँ रहेको छ ।
नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ।