शुक्रबार प्रतिनिधिसभा बैठक अन्तर्गतको अर्थ समितिको बैठक बस्दै छ । शुक्रबार दिउँसो ३ बजे बैठक बोलाईएको छ ।
बैठकमा नयाँ स्टक एक्सचेञ्ज सम्बन्धमा छलफल हुने भएको छ। समितिको बैठकमा आन्तरिक छलफल लागि तय गरिएको एजेण्डामा १६ औं पञ्चवर्षिय योजना सम्बन्धमा, मौद्रिक नीति सम्बन्धमा र नयाँ स्टक एक्सचेञ्ज सम्बन्धमा छलफल गरिने उल्लेख छ । हाल नेपाल सरकारको निर्देशनमा नयाँ स्टक एक्सचेञ्जको लाईसेन्स दिने प्रक्रिया स्थगित भएको छ ।
त्यस्तै मुलुकको विद्यमान आर्थिक अवस्था र चालु आर्थिक वर्षको बजेट कार्यान्वयनको समीक्षा सम्बन्धमा अर्थमन्त्री र सचिव (अर्थ र राजश्व) सँग छलफलको निरन्तरता दिइने अर्थ समितीले जनाएको छ ।