घलेम्दी हाइड्रो लिमिटेडले निष्काशन गरेको हकप्रद बाँडफाँड भएको छ । पुस २५ गते कम्पनीको संचालक समितिले शेयर बाँडफाँड गरेको बिक्री प्रबन्धक मुक्तिनाथ क्यापिटलले जनाएको छ।
कम्पनीले हाल कायम चुक्ता पुंजीको १:२ को अनुपातमा २०० प्रतिशतले हुन आउने १ करोड १० लाख कित्ता हकप्रद शेयर निकाष्शनको गरेको थियो । जस मध्ये रितपूर्वक आवेदन दिने २८ हजार १ सय २१ जना शेयरधनीहरुलाई ७७ लाख ८२ हजार २ सय ७६ कित्ता हकप्रद शेयर बाँडफाँड गरिएको क्यापिटलले जनाएको छ। यस हिसाबमा कम्पनीको ३२ लाख १७ हजार ७ सय २४ कित्ता हकप्रद बिक्री भएको छैन । यो शेयर अब लिलाममा आउने छ ।
कम्पनीले हकप्रद भन्दा बढीको लागि आवेदन दिएका शेयरधनीहरुलाई पुस २९ गतेदेखि आईपीएस मार्फत आवेदकको बैंक खातामै रकम फिर्ता गरिने जनाएको छ । आफ्नो खातामा रकम जम्मा भए नभएको एकिन गर्न पनि कम्पनीले आग्रह गरेको छ ।
कम्पनीले मङ्सिर १० गतेदेखि पुस १६ गतेसम्म हकप्रद बिक्री गरेको थियो । हकप्रदबाट जम्मा भएको पुँजी सांग्रिला उर्जा लिमिटेडद्वारा प्रवद्धित संखुवासभामा रहेको ६३ मेगावाट क्षमताको छुजुङ्ग खोला जलविद्युत आयेजनामा ५१ प्रतिशत भन्दा बढी सेयर कायम हुनेगरी लगानी गर्ने कम्पनीले जनाएको छ।