मङ्सिर महिनाको तुलनामा पुस महिनामा पुँजीबजारबाट दोब्बर भन्दा बढी पुँजीगत लाभकर संकलन भएको छ। पुस महिनामा शेयर लगानीकर्ताले कुल ७४ करोड ३९ लाख १३ हजार २ सय २९ रुपैयाँ ९६ पैसा पुँजीगत लाभकर संकलन भएको हो ।
मङ्सिरको तुलनामामा यो रकम दोब्बर भन्दा पनि धेरै हो । मङ्सिरमा ३० करोड ५३ लाख २४ हजार ७ सय ८३ रुपैयाँ २२ पैसा मात्र पुँजीगत लाभकर संकलन भएको थियो ।
पुसमा संकलन गरिएको कुल ७४ करोड ३९ लाख पुँजीगत लाभकर मध्ये १७ करोड २८ लाख ९९ हजार ८ सय ३५ रुपैयाँ २५ पैसा रकम व्यक्तिगत लगानीकर्ताबाट दिर्घकालिन लाभकर वापत उठेको हो । ५२ करोड ४४ लाख ७२ हजार १ सय ८७ रुपैयाँ ७५ पैसा व्यक्तिगत लगानीकर्ताबाट अल्पकालीन लाभकर वापत उठेको हो । यस अवधिमा संस्थागत लगानीकर्ताले तिरेको लाभकर भने ४ करोड ६५ लाख ४१ हजार २ सय ६ रुपैयाँ ९६ पैसा रहेको छ ।
शेयर लगानीकर्ताले दिर्घकालिन लाभकर वापत ५ प्रतिशत तथा अल्पकालीन लाभकर वापत ७.५ प्रतिशत पुँजीगत लाभकर तिर्दै आएका छन् । पुसमा शेयर बजार बढ्दा सरकारले पाउने पुंजीगत लाभकर पनि बढेको हो ।