साताको पहिलो दिन आज आइतबार शेयर बजार परिसूचक नेप्से बढेको छ । आज नेप्से सूचक १०.३७ अंकले बढेर २०९४.४६ को बिन्दुमा पुगेर रोकिएको छ ।
आज कारोबारमा आएका ३०६ कम्पनीका १ करोड ७ लाख ५१ हजार १ सय ६४ कित्ता शेयर खरिद बिक्रीबाट ३ अर्ब ८३ करोड ३७ लाख ७६ हजार ५ सय ८० रुपैयाँ ७६ पैसाको कारोबार भएको छ । जस मध्ये हिमालयन रिइन्स्योरेन्सको सर्वाधिक ३३ करोड ५३ लाखको कारोबार भएको छ ।
आज कारोबारमा आएका मध्ये मिड सोलु हाइड्रो र माथिल्लो मैलुङ खोला हाइड्रोको शेयर मूल्य सर्वाधिक १० प्रतिशतले बढेको छ । त्यस्तै सामलिङ पावरको शेयर मूल्य ९.९८ प्रतिशत र हाथवे इन्भेष्टमेन्टको शेयर मूल्य ८.७३ प्रतिशत बढेको छ ।
आज चन्द्रागिरी हिल्सको शेयर मूल्य सर्वाधिक ९.८६ प्रतिशत घटेको छ भने इन्फीनीटी लघुवित्तको शेयर मूल्य ६.४० प्रतिशत घटेको छ । त्यस्तै मनकामना स्मार्ट लघुवित्तको शेयर मूल्य ५.१९ प्रतिशत र उन्नति सहकार्य लघुवित्तको शेयर मूल्य ३.३६ प्रतिशत घटेको छ ।
आज कारोबारमा आएका मध्ये बैंकिंग, होटेल तथा टुरिजम , उत्पादन तथा प्रशोधन र म्युचुअल फण्ड समुहको समुहगत सूचक घटेका छन् । आज हाइड्रो समुह सर्वाधिक १.३३ प्रतिशत बढेको छ ।
