इन्डियन इन्टरनेशनल फिल्म अवार्ड (आईफा) आयोजना गर्ने निर्णयबाट सरकार पछि हटेको छ । चौतर्फी आलाचना भएपछि सरकारले उक्त अवार्ड कार्यक्रम नेपालमा नगर्ने भएको हो ।
नेपाल पर्यटन बोर्डका प्रमुख कार्यकारी अधिकृत (सिइओ) दीपकराज जोशीले आइफा अवार्ड यसवर्ष नेपालमा नहुने पुष्टि गरेका छन् । ‘यो वर्ष अब नहुने भयो, केही वर्षपछि पुनः आयोजनाको सम्भावना छ’ जोशीले भने ।
असार ८ गते बसेको मन्त्रिपरिषद बैठकले आईफा अवार्ड नेपालमा आयोजना गर्ने निर्णय गरेको थियो । अवार्ड गर्न मात्रै नभई सरकारले आर्थिक अनुदान समेत दिने भएको भन्दै आलोचना भएपछि आईफा अवार्ड कार्यक्रम नेपालमा नहुने भएको हो ।
