काभ्रेमा युवतीमाथि सिरिन्ज आक्रमण गरेको आरोपमा प्रकाउ परेका शिक्षक रिहा भएका छन् । स्याङ्जाका शिक्षक खगेन्द्र प्रसाद पाठक निर्दोष भएको भन्दै रिहा भएका हुन् ।
सोमबार बनेपास्थित चार दोबाटोमा बसभित्र एक महिलाले ‘मलाई तिखो बस्तुले घोच्यो’ भन्दै चिच्याएपछि उनी गाडी भित्रै कुटपिटमा समेत परेका थिए । बनेपाबाट काठमाडौं आउँन लागेकि युवतीले बस चढेलगत्तै आफूमाथि तिखो बस्तुले घोचिएको भन्दै चिच्याएकि थिईन् । बसमा सवार यात्रुहरुले युवतीको चित्कार सुनेपछि पाठकलाई नियन्त्रणमा लिएर कुटपिट समेत गरे ।
त्यसलगत्तै घटनास्थलमा प्रहरी पुगेको थियो । प्रहरीले स्थानीयबाट उद्धार गरी पाठकलाई पक्राउ गरेका थियो । आक्रोशित भिडले इटा समेत प्रहार गरेका थिए ।
बोलीमा सामान्य लरबराउने पाठकले आफू निर्दोष रहेको भन्दै याचना माग्दा पनि भिडले छोडेन । उनी जीवनमै पहिलो पटक बनेपा गएको र स्याङ्जाबाट बर्खे बिदामा लोकसेवाको तयारी गर्न काठमाडौँ आएको उनका आफन्तले बताएका छन् ।
उनलाई नजिकबाट चिन्नेहरुले सामाजिक सञ्जालमा लेखेको स्टाटसः