.gif)
कञ्पुचनपुरको एक विद्यालयमा शिक्षकको कुुटाइबाट विद्यार्थीको मृत्यु भएको छ । भीमदत्त नगरपालिका–१७ मा रहेको महाकाली बाल विद्यालयको कक्षा ९ मा अध्ययनरत छात्र माधव कलौनीको उपचारको क्रममा मृत्यु भएको हो ।
गत असार १३ गते शिक्षकको कुटाइबाट घाइते भएका कलौनीको भारतको भोजीपुरा अस्पतालमा उपचारका क्रममा मृत्यु भएको जिल्ला प्रहरी कार्यालयका प्रहरी निरीक्षक कृष्णनन्द भट्टले जानकारी दिए ।
उक्त घटनाको बारेमा विद्यार्थीका अभिभावकले चार शिक्षकविरुद्ध ज्यान मार्ने उद्योगमा जाहेरी दिएका थिए तर त्यो बेला अभिभावक र शिक्षकबीच पहिले घाइतेको उपचार गराउने सहमति भएको भट्टले जानकारी दिए ।
प्रहरीले सुरक्षा र घटनाबारे अनुसन्धानका लागि भन्दै विद्यालयका प्रधानाध्यापक यशोदा जोशी तथा शिक्षक लक्ष्मण भट्ट, दुर्गादत्त पाठक र हर्क जाग्रीलाई नियन्त्रणमा लिएको छ ।
मृतक विद्यार्थीका अभिभावकले भने प्रधानाध्यापकसहित चारै शिक्षकले कुटपिट गरी घाइते बनाएको आरोप लगाएका छन् । कुटपिटबाट विद्यार्थीको छाती, टाउकोमा चोट लाग्नुका साथै दायाँ खुट्टा भाँचिएको थियो ।
.gif)
