बिश्व फुटबलको सर्बोच्च निकाय फिफाले सन् २०१७ को नोभेम्बर महिनाको फिफा बरियता सार्बजनिक गरेको छ । आइतबार सार्बजनिक भएको यस महिनाको नयाँ बरियतामा नेपाल ६ स्थान माथि उक्लदै १ सय ७० औ स्थानमा पुगेको छ । नेपालले यस अवधिमा ४ अंक कमाएको छ । गत महिना नेपालको अंक ९४ रहेकोमा यस महिना नेपालको अंक ९८ भएको छ ।
फिफाले आज सार्बजनिक गरेको नयाँ बरियता अनुसार दक्षिण एसियामा सबै भन्दा माथि भारत १०५ औ स्थानमा छ । त्यस्तै अफगानिस्तान १४७ औ, माल्दिभ्स १५७ औ स्थानमा छन् । , नेपाल भन्दा पछि भुटान १८५ औ स्थानमा , बंगलादेश १९२ औ, श्रीलंका २०० औ र पाकिस्तान २०१ औ स्थानमा छ ।
बिश्व बरियतामा भने जर्मनी शिर्ष स्थानमा कायम छ। त्यस्तै ब्राजिल दोस्रो , तेस्रोमा पोर्चुगल , चौथोमा अर्जेन्टिना , पाचौमा बेल्जियम यथावत छन् । त्यस्तै छैठौमा स्पेन, सातौमा पोल्याण्ड , आठौमा स्विजरल्याण्ड , ९ औमा फ्रान्स र चिली दशौ स्थानमा छन् ।
पुरा बरियता हेर्न यहाँ क्लिक गर्नु होला ।
