निजि क्षेत्रको दुर संचार सेवा प्रदायक कम्पनी ऐनसेलले 'नयाँ सापटी' योजना सुरु गरेको छ । जस अन्तर्गत एनसेलका प्रिपेड प्रयोगकर्ताले आफ्नो मेन ब्यालेन्स ५ रुपैयाँ वा सोभन्दा कम भएमा एनसेल सापटी सुविधामार्फत ३० रुपियाँको सापटी लिन सक्ने छन् ।
सापटी रकम ग्राहकको मुख्य ब्यालेन्समा जोडिनेछ र प्राप्त रकमबाट ग्राहकले कुनै पनि नेटर्वकमा कल गर्न, एसएमएस पठाउन, इन्टरनेट चलाउन तथा एनसेलको अन्य सेवाप्रयोग गर्न सक्ने एनसेलले जनाएको छ ।
यसरी लिईएको सापटी अर्को पटक रिचार्ज गर्दा काटिने छ भने यसमा पहिलेको जस्तो कुनै शुल्क लाग्ने छैन ।
एस्ट्रिक्स ९९८८ ह्यास डायल गरि प्राप्त निर्देशनअनुसार प्रिपेड ग्राहकले यो सेवा सुचारु गर्न सक्नेछन् ।