.gif)
गोल्यान ग्रुप अन्तर्गतको कम्पनी सिटी होटल लिमिटेड र र्याङ्क इन्टरटेनमेन्ट होल्डिङ्स प्रालिबीच क्यासिनो संचालनको लागि सम्झौता भएको छ । काठमाडौंको सोल्टीमोडमा रहेको हयात प्लेस होटलमा क्यासिनो सञ्चालनका लागि र्याङ्क इन्टरटेनमेन्ट होल्डिङ्ससँग सम्झौता भएको हो।
उक्त सम्झौतामा गोल्यान ग्रुपका प्रबन्ध निर्देशक अक्षय गोल्यान र र्याङ्क होल्डिङ्स इन्टरटेनमेन्ट प्रालिका अध्यक्ष रवि विजेरत्नेले हस्ताक्षर गरेका छन् । र्याङ्क इन्टरटेनमेन्ट होल्डिङ्स १५ भन्दा बढी क्यासिनोहरूको विश्वव्यापी पोर्टफोलियोको साथ श्रीलंकाको सबैभन्दा ठूलो मनोरन्जन समूह हो।
हयात प्लेस होटलमा सुत्न, काम गर्न, खेल्नका लागि छुट्टै ठाउँसहित १५३ कोठाहरू छन्, साथै सोफा स्लीपर (चयन कक्षहरूमा) सहितको आरामदायी कक्ष छन्। होटलमा ब्रेकफास्ट बार, झिंग वर्ल्ड अफ फ्लेवर्स, जिङ्ग स्काई बार र लाउन्ज, बजार र बारका साथै जताततै नि:शुल्क वाइफाइ, कार्यक्रम स्थल र फिटनेस सेन्टर जस्ता धेरै भोजन विकल्पहरू छन्।
क्यासिनोको साथसंगै होटेलले आफ्ना अतिथिहरूलाई उनीहरूको अनुभव र सन्तुष्टि बढाउन थप सेवाहरू प्रदान गर्ने जनाएको छ।
.gif)
