.gif)
बाराको सिमरामा सञ्चालित होटल इच्छाले पाँचतारे होटलको मान्यता पाएको छ । अब होटल इच्छा मधेश प्रदेशकै पहिलो पाँचतारे होटल बनेको छ ।
रियलस्टेट व्यवसायी इच्छाबहादुर वाग्लेले सञ्चालन गरिरहेको होटल इच्छाले सोमबार पाँचतारे होटलको मान्यता पाएको हो । होटल इच्छामा वाग्लेले १ अर्ब ५० करोड लगानी गरेका हुन् ।
होटलमा स्वीमिङ पुल, रेस्टुरेन्ट र सभाहल लगायतका पूर्वाधार छन् ।
६ वर्ष अघि चारतारे स्तरमा मिनी क्यासिनोसहित ६० कोठा क्षमताको होटल इच्छा १२० करोडको लगानीमा स्थापना भएको थियो । थप ४० कोठामा ३० करोड लगानी थप गरी सय कोठा पुर्याइएको इच्छा हस्पिटालिटीले जनाएको छ ।
यो होटल सिमरा विमानस्थलबाट २ किलोमिटर दूरीमा पर्छ ।
.gif)
