भारतले कोरोना भाइरस नियन्त्रण तथा रोकथामको लागि 'जनता कर्फ्यु' लगाएको छ । भारतीय प्रधानमन्त्री नरेन्द्र मोदीले आगामी आइतबार 'जनता कर्फ्यु' लगाउने घोषणा गरेका हुन् ।
मोदीले आगामी आइतबार बिहान ७ बजेदेखि बेलुका ९ बजेसम्म घर मै बस्न आग्रह गरेका हुन् । 'जनता कर्फ्यु' भनेको जनताबाट जनताको लागि र जनताद्वारा लागु गरिएको कर्फ्यु भएको बताउदै मोदीले घर बाहिर ननिस्कन आग्रह गरेका हुन् ।
उनले देश हितको लागि र आत्मासंयमको लागि 'जनता कर्फ्यु' लगाएको भन्दै हरेक नागरिकले हरेक दिन १० जनालाई यस बारे बताउन आग्रह गरेका छन्। उनले अत्यावश्यक बाहेक अन्य कामको लागि बाहिर नननिस्कन आग्रह गरेका हुन् ।