भारतमा कोरोना भाइरसको संक्रमणको कारण मृत्यु हुनेको संख्या १ हजार नाघेको छ । मंगलबार एकैदिन ६९ जनाको मृत्यु भएपछि मृतकको संख्या १ हजार ८ पुगेको छ । यो मृत्युदर भारतमा एकै दिनमा भएको हालसम्म कै उच्च मृत्यु दर हो ।
भारतमा संक्रमितहरुको संख्या ३१ हजार नाघेको छ । मंगलबार एकैदिन १८ सय ७३ जनामा संक्रमण देखिएपछि संक्रमितको संख्या ३१ हजार ३ सय २४ पुगेको छ ।
भारतको माहाराष्ट्र राज्यमा हालसम्म सबैभन्दा धेरै ४०० जनाको मृत्यु भएको छ भने गुजरातमा १८१ , र मध्य प्रदेशमा १२० जनाको मृत्यु भईसकेको छ ।
भारतले मे ३ तारिखसम्म लकडाउन आदेश जारि गरेको छ भने यो अवधि बढ्न सक्ने भारतीय संचारमाध्यमहरुले जनाएका छन् ।