भारतीय वायु सेवा कम्पनी स्पाइस जेटले आफ्ना पाइलटहरुलाई नियमित तलब नदिने भएको छ । कम्पनीले पाइलटहरुलाई अप्रिल र मे महिनाको तलव दिन नसकिने जनाएको हो । कम्पनीको अपरेसन प्रमुख गुरचरण अरोराले पाइलटलाई तलव दिन नसकिने जनाएका हुन् ।
कार्गो जहाज उडाउने पाइलटले भने उडाएको समय अनुसार प्रति घण्टाको हिसाबले तलव पाउने भएका छन् । कम्पनीले आफ्नो १६ प्रतिशत जहाज र २० प्रतिशत पाइलट उडिरहेको जनाएको छ । उडेका सबै जहाज कार्गो जहाज हुन् । कम्पनीले ५० प्रतिशत कार्गो जहाज उडाउने लक्ष्य लिएको छ भने सबै पाइलटलाई पालै पालो ति जहाज उडाउन दिने जनाएको छ ।
स्पाइस जेट भारतको बजेट एयरलाइन्स अर्थात् सस्तोमा सेवा दिने कम्पनीको रुपमा चिनिन्छ । रिजर्भमा कम रकम भएको यस कम्पनीले लकडाउनको समयमा जहाज नउडेर आम्दानी नभएपछि पाइलटलाई तलव दिन नसक्ने भएको हो ।
