भारतमा कोरोना भाइरसबाट मृत्यु हुनेको संख्या १ हजार २१८ पुगेको छ । पछिल्लो २४ घण्टामा भारतमा ७१ जनाको मृत्यु भएको छ । २४ घण्टामा २ हजार २९३ जना नयाँ संक्रमित पनि थपिएका छन् । यससँगै भारतमा कोरोना संक्रमितको संख्या ३७ हजार ३३६ पुगेको छ ।
महाराष्ट्रमा ११ हजार ५०६ संक्रमित हुँदा ४८५ जनाको मृत्यु भइसकेको छ । गुजरातमा ४ हजार ७२१ जनामा कोरोना संक्रमण हुँदा २३६ जनाको मृत्यु भइसकेको छ । मध्य प्रदेशमा पनि २ हजार ७१९ जनामा संक्रमण देखिँदा १४५ जनाको मृत्यु भइसकेको छ ।
उत्तर प्रदेशमा २ हजार ३२८ संक्रमित हुँदा ४२ जनाको मृत्यु भइसकेको छ । पश्चिम बंगालमा ७९५ जनामा संक्रमण पुष्टि हुँदा ३३ जनाको मृत्यु भइसकेको छ । बिहारमा पनि अहिलेसम्म ४७१ जनामा संक्रमण पुष्टि हुँदा तीन जनाको मृत्यु भएको छ ।