भारत–पाकिस्तान सिमा क्षेत्र उत्तरी काश्मिरको हन्दवाडामा भिडन्त हुँदा ५ भारतीय सैनिकको ज्यान गएको छ । शनिबार साँझ भएको भिडन्तमा सेनाको २१ राष्ट्रिय राइफल्सका कमान्डिङ अफिसर आशुतोष शर्मासहित ५ सुरक्षाकर्मीको मृत्यु भएको हो ।
मुठभेडमा भारतीय सेनाको गोली लागेर दुई जना बिद्रोहीको मृत्यु भएको भारतीय सञ्चारमाध्यमले जनाएका छन् ।
दोहोरो भिडन्तमा मारिनेमा कर्णेल आशुतोषसहित मेजर अनुज, एक लान्स नायक र एक राइफलम्यान रहेका छन् । प्रहरीका सब–इन्सपेक्टर सकिल काजीले पनि घटनामा ज्यान गुमाएका छन् ।
