भारतको महाराष्ट्र राज्यमा ७८६ प्रहरीमा कोरोना संक्रमण देखिएको छ । महाराष्ट्र प्रहरीले सार्वजनिक गरेको जानकारी अनुसार ७८६ जनामा संक्रमण देखिएको र ति मध्ये ७ जनाको मृत्यु भएको छ ।
संक्रमित हुनेमा ८८ जना अधिकृत तहका प्रहरी हुन् । संक्रमित मध्ये १३ अधिकृत सहित ६३ जना निको भएको र अझै ७०३ जनाको उपचार भईरहेको भारतीय संचार माध्यमहरुले जनाएका छन् ।
भारतभर हालसम्म ६२ हजार ९ सय ३८ जनामा संक्रमण देखिएको छ । ति मध्ये २० हजार महाराष्ट्रमा मात्र छन् । मृतकको संख्या २ हजार नाघेको छ ।
