.gif)
आगामी जुन १४ देखि फुटबलको महाकुम्भ विश्वकप रसियामा सुरु हुदैछ । बिश्वकपको लागि अधिकांश टोलीहरुको छनौट भईसकेको छ भने केहि छनौटको प्रक्रियामा छन् ।
यसै बीच बिश्व कप नजिकिदै गर्दा आईएसआईएसले बिश्वकप फुटबलको समयमा आक्रमण गर्ने भन्दै विभिन्न खालका तस्विरहरु सार्बजनिक गरेको छ । उसले रसिया, युरोपसंगै अमेरिकामा पनि आक्रमण गर्ने चेतावनी दिएको छ । आईएसले अर्जेन्टिनी सुपरस्टार लिओनल मेसीको फोटो प्रयोग गरेर डरलाग्दो चेतावनी दिएको छ ।
अहिले यस्तै केहि तस्विरले बिश्वकप्को लागि हुने सुरक्षा ब्यबस्था माथि प्रश्न चिन्ह खडा भएको छ ।
तस्विर १:
आईएसले लिओनल मेसीको फोटो प्रयोग गरेकाले उनका समर्थकहरु चिन्तित हुन् थालेका छन् । फोटोमा मसी निराश मुद्रामा छन् र उनी रोईरहेका छन् । तर उनको आँखाबाट आसु नभई रगत बगेको देखाईएको छ । त्यसको तल संदेश लेखिएको छ जसमा भनिएको छ 'तिमीहरु त्यो संग लडिरहेका छौ, जसको शब्दकोषमा असफलता भन्ने शब्द नै छैन' । त्यस्तै सोहि फोटोमा फिफा बिश्वकपको पार्टनर नाईकीको स्लोगन जस्ट डु इटलाई तोडमोड गरेर जस्ट टेरोरिजम लेखिएको छ । उक्त तस्विर आईएससंग निकट मानिने वाफा मिडिया फाउन्डेसनले सार्बजनिक गरेको बताईएको छ ।
तस्विर २:
अर्को तस्विरमा एक जना आईएसका लडाकु रसियामा हुने बिश्वकपको रंगशाला बाहिर विस्फोटक पदार्थ सहित बसेका छन् । त्यस तस्विरमा बिश्व कपको लोगो पनि देख्न सकिन्छ । त्यसमा लेखिएको छ ' हे रसियामा रहका अल्लाहका दुश्मनहरु, म कशम खान्छु कि मुजाहिद्दिनको आगोले तिमीहरु बाल्ने छौ, पर्ख मात्र ।
तस्विर ३:
अर्को तस्विर भने अमेरिकाको रहेको छ । अमेरिकाको न्यु योर्क स्थित गगनचुम्बी भवनहरु रहेको स्थान देखाईएको छ र सोहि तस्विरमा बन्दुकधारी छन् । त्यसमा पनि जस्ट टेरोरिजम लेखिएको छ र भनिएको छ 'हाम्रो इलाकामा गरिएको हवाईहवालाको जवाफ हामी तिमीहरुको इलाकामा दिन्छौ ' ।
आईएसको पछिल्लो आक्रोश आईएस बिरुद्द इराक र सिरियामा अमेरिका , रसिया तथा अन्य युरोपियनदेशहरुले संयुक्त रुपमा गरेको हवाई हमला प्रति देखिन्छ । पछिल्लो समयले यी देशहरुले आइएस बिरुद्द हवाई हमला सहितका सैन्य कारबाही तिब्र पारेका छन् ।
.gif)
