बैंक तथा वित्तीय संस्था
परिसंघ नेपालका अध्यक्षसमेत रहेका उद्योगी पवन गोल्यानले बजेटले कृषि क्षेत्रमा
सुधार गर्नसक्ने प्रतिक्रिया दिएका छन् ।
आर्थिक वर्ष २०७९/८० का
लागि आज सरकारले पेश गरेको बजेटमाथि प्रतिक्रिया दिँदै उनले उत्पादन बढाएर आयात
घटाउने सरकारको तयारीलाई राम्रो भनी प्रतिक्रिया दिएका हुन् ।
बिजपाटीसँगको संक्षिप्त
कुराकानीमा उनले भने, 'कृषि क्षेत्रमा धेरै कुरा समेटिएको छ । प्रधानमन्त्रीकै
तहमा संरचना बन्ने भनिएको छ र पालिता तहमै त्यसलाई बिस्तार गर्ने कुरा मलाई
सकारात्मक लाग्यो ।'
उनले बजेटको फर्स्ट
इम्प्रेसन आफूलाई राम्रो लागेको प्रतिक्रिया दिए । 'फर्स्ट इम्प्रेसन मलाई राम्रो
लाग्यो,' गोल्यानले भने, 'अहिले केही गर्नै खोजेको जस्तो महसुस भएको छ ।'
उनले ३० प्रतिशत आयात कम
गर्ने कुरा राम्रो रहेको बताए । 'त्यो भनेको उत्पादन बढाउनु नै हो,' उनले भने, 'कार्यान्वयन
कसरी हुन्छ, त्यो भने हेर्न बाँकी छ ।'
