नेपाल उद्योग वाणिज्य महासंघका अध्यक्ष चन्द्रप्रसाद ढकालले बजेटमा आएको एफपिओ तथा मर्जरको आयमा कर लाग्ने विषयबारे कडा टिप्पणी गरेका छन् । आर्थिक मिडिया सोसाइटी इम्सनले आयोजना गरेको पोस्ट बजेट छलफलको क्रममा अध्यक्ष ढकालले बजेटको उक्त व्यवस्थाबारे टिप्पणी गरेका हुन् ।
ग्लोबल आईएमई बैंकका अध्यक्ष समेत रहेका ढकालले अघिल्लो आर्थिक ऐनले दिएको सुविधा प्रयोग गरेर कर छुट लिएकोमा अहिले कर लगाउनु गलत भएको बताएका छन् । यो व्यवस्थाले देश भित्रै तथा अन्तराष्ट्रिय लगानीमा समेत प्रत्यक्ष असर गर्ने बताएका छन् । अध्यक्ष ढकालले यस्तो व्यवस्थाले सरकारले निजि क्षेत्रको विश्वास गुमाउने बताए ।
यस्तो व्यवस्था बजेटमा नै आउनु नहुने उनले उल्लेख गरे । एक वर्ष मै नीति फेरबदल हुँनु गलत रहेको उनले बताए । यो व्यवस्था समशोधन गर्न समेत उनले माग गरेका छन् । गल्तिले यो व्यवस्था परेको भए पनि वा नियतवश नै राखिएको भएपनि यो व्यवस्था संशोधन गर्न उनले माग गरेका छन् । उनले नीति बनाउँदा त्यसले पार्न सक्ने प्रभावको पनि अध्ययन गर्न उनले आग्रह गरेका छन् ।