आगामी बजेटको लागि कर तथा राजस्व सम्बन्धी सुझाव पेश गर्न सरकारको आग्रह

सरकारले आगामी आर्थिक वर्ष २०८१/८२  को बजेटको लागि कर तथा राजस्व सम्बन्धी सुझाव पेश गर्न आग्रह गरेको छ । अर्थ मन्त्रालय अन्तर्गतको आन्तरिक राजस्व विभागले कर तथा राजस्व सम्बन्धी सुझाव पेश गर्न आग्रह गरेको हो।

विभाग अन्तर्गतको आन्तरिक राजस्व उप-समितिले आगामी आर्थिक वर्ष २०८१/८२ को आर्थिक ऐन तथा बजेट तर्जुमाका सन्दर्भमा गठित राजस्व परामर्श समितिलाई सुझाव दिने प्रयोजनका लागि आयकर, मूल्य अभिवृद्धि कर, अन्तःशुल्क, शिक्षा सेवा शुल्क, विद्युतीय सेवा कर (DST), ई कमर्समा लगाइने कर लगायत आर्थिक ऐन बमोजिम लगाइने अन्य आन्तरिक कर तथा समग्र कर प्रणाली सुधारका विषयमा नीतिगत र कानूनी सुधार तथा प्रक्रियागत सरलीकरण सम्बन्धी सुझावहरु  दिनको लागि आग्रह गरेको हो ।

उपसमितिले २०८० चैत्र ५ गते भित्र सुझाव दिनको लागि सम्बन्धित संघ-संस्था, सरकारी निकाय, बुद्धिजीवीहरु एवं सरोकारवाला सबैमा अनुरोध गरेको छ।

सुझाव पठाउने ठेगाना ;

 आन्तरिक राजस्व विभाग,

नीति विश्लेषण शाखा, लाजिम्पाट, काठमाडौं;

e-mail: [email protected]