आर्थिक वर्ष २०७९/८० को विवरण अनुसार रिलायबल नेपाल लाईफ इन्स्योरेन्समा एक प्रतिशत भन्दा बढी स्वामित्व रहेका शेयरधनीहरुको संख्या १४ रहेको छ । जसमध्ये सबैभन्दा धेरै शेयर ग्लोबल आईएमई बैंकको शेयर रहेको छ ।
कम्पनीमा ग्लोबल आईएमई बैंकको १४.२९ प्रतिशत हिस्सा अर्थात् ४० लाख कित्ता शेयर छ । त्यसैगरी, कम्पनीमा ९.२९ प्रतिशत हिस्सा रहेका गौरव अग्रवालको २६ लाख कित्ता शेयर रहेको छ भने ४.१४ प्रतिशत हिस्सा रहेका सुशील कुमार पन्तको ११ लाख ६० हजार कित्ता शेयर रहेको छ ।
त्यसैगरी, डा. प्रकाश चन्द्र लोहनी र गुरु राज जोशिको समान ३.५७ प्रतिशत हिस्सा रहेको छ भने जनार्दन देव पन्तको २.८६ र पदम कुमार लोहनीको २.२९ प्रतिशत हिस्सा रहेको कम्पनीले उल्लेख गरेको छ ।
यस्तै, सन्दिप खेतान र जुली चाचनको समान १.७९ प्रतिशत, प्रकाश घिमिरेको १.७५ प्रतिशत, जुनि गुरुङ र प्रेम प्रभात गुरुङको समान १.४३ प्रतिशत र हरिभक्त शर्माको १.२५ प्रतिशत स्वामित्व रहेको छ । यसैगरी, राधेश्याम अग्रवालको १.०७ प्रतिशत हिस्सा रहेको कम्पनीले उल्लेख गरको छ ।
