लाईफ ईन्स्योरेन्स कर्पोरेशन (एलआईसी नेपाल)का प्रमुख कार्यकारी अधिकृत प्रणय कुमारले बीमा अभिकर्ताले मासिक ३ लाख रुपैयाँ कमाउनुपर्ने बताएका छन् । नेपालमा महँगी रहेकाले ‘सर्भाइभ’ हुन अभिकर्ताले मासिक ३ लाख रुपैयाँ आम्दानी गर्नुपर्ने बताएका हुन् ।
पेशागत बीमा अभिकर्ता संघ (एलआईसी नेपाल)को अधिवेशनका क्रममा मन्तव्य राख्दै उनले नेपालमा अत्याधिक महँगी रहेकाले बीमा अभिकर्ताहरुले महिनामा कम्तिमा पनि ३ लाख रुपैयाँ कमाउनुपर्ने र मासिक ३ लाख आम्दानी गर्न नसक्नेका लागि परिवार पाल्न मुस्किल हुने अवस्था रहेको बताएका हुन् ।
‘नेपालमे महँगी धेरै छ, हरेक अभिकर्तालाई कम्सेकम महिनामा ३ लाख रुपैयाँ कमिशन चाहिन्छ’ उनले भने, ‘यदि, यसले यो भन्दा कम आम्दानी गर्छ भने उसले आफ्नो परिवार पाल्न थप संघर्ष गर्नुपर्ने हुन्छ ।’
