बीमा सर्भेयर संघमा सर्वसम्मत नयाँ कार्यसमिति चयन भएको छ । सोमबार भएको संघको ९औँ अधिवेशनले सर्वसम्मत कार्यसमिति चयन गरेको हो ।
नयाँ कार्यसमितिको अध्यक्षमा मोहन पुरुष ढकाल दोहोरिएका छन् । त्यसैगरी उपसभापतिमा घनश्याम लेखक, महासचिवमा विकास महर्जन, सचिवमा प्रवेश पौडेल र कोषाध्यक्षमा भानु कंडेल सर्वसम्मत भएको निर्वाचन अधिकृत ललित केसीले जानकारी दिए ।
यस्तै सदस्यहरुमा शिव प्रसाद भण्डारी, राजेश घिमिरे, सरोज श्रेष्ठ र नविन भट्ट चयन भएका हुन् ।