राष्ट्रिय बीमा कम्पनीको सञ्चालकमा कमान सिंह थापा मगर चयन भएका छन् । अर्थ मन्त्रालयको तर्फबाट मगर सोमबार कम्पनीको सञ्चालकमा चयन भएका हुन् । उनले कम्पनीका अध्यक्ष दिनेश उपाध्याय समक्ष सोमबार नै शपथ ग्रहण गरेका छन् ।
उनी अर्थ मन्त्रालयको उपसचिव समेत हुन् । उनी गत सातामात्रै गृह मन्त्रालयबाट सरुवा भएर अर्थ मन्त्रालयमा आएका हुन् । उनी मन्त्रालयको प्रशासन महाशाखाका उपसचिव छन् ।
शंकर पाठक अर्थबाट खेलकुद मन्त्रालयमा सरुवा भएसँगै मगरलाई अर्थमा ल्याइएको हो । यसअघि कम्पनीको सञ्चालकमा पाठक थिए ।