नौजना यामाहा प्रशंसक र उत्साही बाइकरहरू साहसिक अनुभवका लागि पहिलो मोटोजीपी इन्डियाको रोमाञ्चक दृश्यावलोकन गर्न त्यसतर्फ प्रस्थान गरेका छन् ।
यो ईभेन्ट २४ सेप्टेम्बर, २०२३ मा बुद्ध सर्किट, नोएडामा हुनेछ । राइडर्स टोली २३ र २४ सेप्टेम्बरमा रेसको अनुभव लिएर २७ सेप्टेम्बर २०२३ मा उही बाटो भएर काठमाडौं फर्किनेछन् ।
रेसिङ गतिविधीहरूको पर्यायका रूपमा रहेको यामाहाले नेपालमा रेसिङ संस्कृतिको परिचय गराई यसको विकास र प्रबर्धन गर्न निरन्तर रूपमा काम गरिरहेको छ। आफ्नो उद्देश्य अनुरूप नै यामाहाले रेसिङ स्पोट्र्सलाई प्रतिबिम्बित गर्ने धेरै ईभेन्टहरूसँग आफ्नो आबद्धता कायम राख्दै यसको प्रवद्र्धन समेत गरेको छ । नेपालले यामाहा प्रयोगहरूलाई यस ईभेन्टमा दर्ता गर्न र मोटोजिपी प्रत्यक्ष अवलोकन गर्नका लागि आव्हान गरेको थियो ।
यस कार्यक्रमले यामाहा मोटरसाइकलको पराक्रम मात्र देखाउँदैन बरू खुल्ला सडकमा ब्रान्डप्रतिको माया अभिव्यक्त गर्ने राइडरहरूको जोशलाई उत्सवका रूपमा पनि मनाउँछ । छानिएका राइडरहरूमा संग्राम पुडासैनी, सुरेश जीसी, माइकल थापा, रुपेश पण्डित, राजकुमार कुशवाहा, अर्जित महर्जन, राजकुमार कार्की र तारा खड्का रहेका छन् भने मार्सलका रूपमा प्रमोद श्रेष्ठ छन् ।
'हामीले यामाहा राइड टु मोटोजीपीुका लागि ठूलो संख्याका सहभागीहरू प्राप्त गरेका थियौं। हामी प्रत्येक यामाहा प्रशंसकहरूलाई राइडप्रतिको चासो र पागलपनका लागि धन्यवाद दिन चाहन्छौं। तर हामीसँग सीमित सिट भएकाले ८ जना मात्रै छनोट गर्न सक्यौँ। यो त केवल सुरुवात हो, यामाहा नेपाल हाम्रा युवाहरूको जोशलाई सम्मान गर्दछ। हामी नेपालमा मोटरस्पोर्टको उत्थान गर्न मेहनतका साथ काम गरिरहेका छौँ,' एमएडब्लु इन्टरप्राइजेज, टु ह्विलर डिभिजनका सीईओ श्री राजु क्षेत्रीले भने ।
मोटोजिपी केही दक्ष राइडर र अत्याधुनिक मेसिनहरू सहितको संसारकै सबैभन्दा प्रतिष्ठित मोटरसाइकल रेसिङ च्याम्पियनशिपमध्ये एक हो ।
