सरकारले नेपाल नागरिक उड्डयन प्राधिकरण (क्यान)को सञ्चालकमा अच्युतराज पहाडीलाई मनोनित गरेको छ । बुधबार बसेको मन्त्रिपरिषद बैठकले पहाडीलाई क्यानको सञ्चालक समिति सदस्य पदमा मनोनित गरेको हो ।
सञ्चालक समिति सदस्य त्रिरत्न मानन्धरले दिएको राजीनामा स्वीकृत गर्दै पहाडीलाई मनोनित गरिएको सरकारकी प्रवक्तासमेत रहेकी सञ्चार तथा सूचना प्रविधिमन्त्री रेखा शर्माले जानकारी दिइन् । पहाडी नेपाल वायुसेवा निगम सञ्चालन समितिका पूर्वसदस्य हुन् ।