बा हरेक आर्थिक वर्ष सुरु भएको पहिलो साता भित्रमा नेपाल राष्ट्र बैंकले मौद्रिक नीति सार्वजनिक गर्ने भएको छ । राष्ट्र बैंकले मौद्रिक नीति तर्जुमा कार्यविधि, २०७३ (प्रथम संशोधन, २०७९) जारी गर्दै यस्तो ब्यबस्था गरेको हो ।
नयाँ ब्यबस्था अनुसार नेपाल राष्ट्र बैंकको संचालक समितिबाट पारित भएपछि सामान्यतः वार्षिक हरेक आर्थिक वर्ष शुरु भएको पहिलो हप्ताभित्र मौद्रिक नीति सार्वजनिक गरिने छ । त्रैमासिक तथा अर्द्धवार्षिक समीक्षा हरेक त्रयमास समाप्त भएको ३० दिनभित्र सार्वजनिक गरिने ब्यबस्था राष्ट्र बैंकले गरेको छ ।
संशोधित ब्यबस्था अनुसार मौद्रिक नीति सार्वजनिक भएको एक हप्ताभित्र आर्थिक अनुसन्धान विभागले अन्य विभागसँगको समन्वयमा कार्यान्वयन तालिकाको मस्यौदा तयार गर्नेछ । कार्यान्वयन तालिकाको मस्यौदा तयार पार्दा मौद्रिक नीतिको प्रावधान, कार्यान्वयन मापन गर्ने सूचक, अपेक्षित उपलब्धी, जिम्मेवार विभाग र कार्यान्वयन गर्न लाग्ने समय सहितको तालिका तयार गर्नुपर्नेछ ।
मौद्रिक नीतिको कार्यान्वयन तालिका व्यवस्थापन समिति समक्ष पेश गरिने र समितिको बैठकबाट पारित मौद्रिक नीतिको कार्यान्वयन तालिका कार्यान्वयनका लागि विभागले अन्य विभागहरुलाई पत्राचार गर्नेब्यबस्था गरिएको छ ।
मौद्रिक नीति तयार पार्ने क्रममा प्राप्त राय÷सुझाव, तथ्याङ्क, विवरण एवम् जानकारी यसमा प्रत्यक्ष÷अप्रत्यक्ष रुपमा संलग्न हुने बैंकका कर्मचारी तथा संचालकहरु सबैले मौद्रिक नीति सार्वजनिक नभएसम्मका लागि गोप्य राख्नु पर्ने ब्यबस्था राष्ट्र बैंकले गरेको छ ।
