३५ वर्ष लामो विरासतका साथ भारतको नम्बर १ टाइल कम्पनीको रूपमा प्रख्यात कजरिया टाईल्सले काठमाडौंमा आफ्नो पहिलो 'Experience Centre'को उद्घाटन गर्दै नेपाली बजारमा प्रवेश गरेको छ । यो कार्यक्रम कजरिया रमेश टाईल्स लिमिटेडका निर्देशक प्रतीक जलानले सञ्चालन गरेका थिए ।
यस शोरुमले आवासीय र व्यावसायिक स्थानहरूका लागि डिजाइन, रङ र टाइलहरूको विविधता प्रदान गर्दै ग्राहकहरूलाई रमाइलो अनुभव प्रदान गर्ने कम्पनीले जनाएको छ। कम्पनीका अनुसार एउटै छानामुनि ग्राहकहरूले आठ सिरिज र २० भन्दा बढी 'Live mock-up' बाथरूमको अवलोकन गर्नसक्ने व्यवस्था गरिएको छ ।
कजारिया टाईल्सले अत्याधुनिक प्रविधि र दिगोपनप्रतिको प्रतिबद्धतासहित 'the state-of-the-art Continua+ technology' प्रयोग गर्दै, कम्पनीले उद्योगमा नयाँ बेन्चमार्कका साथै सटिक, स्थायित्व र सुन्दर ठूला टाइल स्ल्याबहरू उत्पादन गर्दछ ।
यसबाहेक, कजारिया टाईल्सले आफ्नो उत्पादन प्रक्रियाहरूमा पर्यावरण-मैत्री अभ्यासहरूलाई प्राथमिकता दिएको जनाएको छ । कम्पनीले भनेको छ 'उच्च स्तरका उत्पादनहरू वितरण गर्दा वातावरणीय प्रभावलाई कम गर्ने प्रयास गर्दछ । प्रत्येक टाइलले खाली ठाउँमा सुन्दरता मात्र थप्दैन तर कम्पनीको वातावरणीय जिम्मेवारीप्रतिको समर्पणलाई पनि झल्काउँछ ।'
यसैबीच, कजरिया रमेश टाईल्स लिमिटेड, एक संयुक्त उद्यम कम्पनीले नेपालमा उच्च गुणस्तरको टाइल्स र सिरेमिक उत्पादनहरू उपलब्ध गराउने प्रतिबद्धता जनाएको छ। निर्माण तीव्र गतिमा अघि बढ्दै गर्दा, कम्पनीले नवलपरासीमा रहेको आफ्नो कारखाना जुन २०२४ को अन्त्यसम्ममा पूर्ण रूपमा सञ्चालन गर्दै छ । यो रणनीतिक कदमले कजरिया रमेश टाईल्सले नेपालको टाइल र सिरेमिक उद्योगलाई आकार दिन, देशको उन्नति र समृद्धिमा योगदान पुर्याउन महत्त्वपूर्ण भूमिका खेल्ने विश्वास गरिएको कम्पनीले जनाएको छ ।
आधुनिक उपकरणहरू प्रयोग गरेर र अन्तर्राष्ट्रिय मापदण्डहरू पालना गर्दै, कजरिया रमेश टाईल्सले प्रिमियम टाइलिङ समाधान खोज्ने ग्राहकहरूलाई सहज अनुभव सुनिश्चित गर्दै नेपाली बजारमा गुणस्तरीय र किफायतीताको नयाँ मापदण्ड स्थापना गर्ने लक्ष्य राखेको उल्लेख गरेको छ।
