सहकारी विभागले सञ्चालक फरार भएपछि गौतमश्री बहुउद्देशीय सहकारी संस्थालाई समस्याग्रस्त सहकारीका रुपमा घोषणा गर्न सिफारिस गरेको छ ।
विभागले बिहिबार भूमि व्यवस्था, सहकारी तथा गरिबी निवारण मन्त्रालयलाई पत्राचार गर्दै गौतमश्री बहुउद्देश्यीय सहकारी संस्थालाई समस्याग्रत सहकारीका रुपमा घोषणा गर्न सिफारिस गरेको हो । विभागका सूचना अधिकारी टोलराज उपाध्यायका अनुसार सहकारीले सदस्यहरुको हित विपरित काम गरेको, बचत फिर्ता नगरेको, सहकारी ऐन, नियम र निर्देशनको पालना नगरेको लगायतका कारण देखाउँदै मन्त्रालयमा समस्याग्रस्त घोषणा गर्न सिफारिस गरिएको हो ।
विभागमा उक्त सहकारीका ११ सय बढी सदस्यहरुको १ अर्ब ७५ करोडभन्दा बढी बचत फिर्ता नभएको विषयमा उजुरी परेको छ ।
उक्त सहकारी संस्थाका अध्यक्ष रामबहादुर गौतम हाल फरार छन् ।