बैंकिङ्ग कसूर मुद्दाका फरार प्रतिवादी प्रक्राउ परेका छन् । केन्द्रीय अनुसन्धान ब्युरोले धादिङ्गको जिवनपुर घरभई हाल काठमाडौँ बस्ने बर्ष ५१ का पन्चम अकौलियालाई पक्राउ गरेको हो ।
उनलाई उच्च अदालत पाटनले बैंकिङ कसूर मुद्दामा दोषी ठहर गरी १० दिन कैद र १७ लाख नगद जरिवानाको फैसला सुनाएको थियो । उनलाई लुकिछिपी बस्दै गरेको अवस्थामा चितवनको भरतपुरबाट प्रहरीले पक्राउ गरेको हो । उनलाई फैसला कार्यान्वयनको लागि आज मंगलबार चितवन जिल्ला अदालतमा पेश गरिएको प्रहरीले जनाएको छ ।
अकौलियाले २०७५ सालमा आफ्नो खातामा पर्याप्त मौज्दात रकम नभएको भन्ने जानी(जानी जाहेरवाला मनोज प्रसाद साहलाई झुक्यानमा पारी सापटी लिएको रकम फिर्ता गर्नका लागि एनएमबि बैंकको चेक दिएका थिए ।
