मंसिर ४ गते निर्वाचनका दिन अत्यावश्यकीय सेवाका सवारी साधन चलाउन पाइने भएको छ ।
निर्वाचन आयोगले एम्बुलेन्स, शववाहन, दमकल, खानेपानीको ट्यांकर, दूध ढुवानीका गाडी, फोहोरमैला ओसारपसार गर्ने गाडी चलाउन दिइने जनाएको छ ।
सञ्चारकर्मीहरुलाई सूचना विभाग वा सम्बन्धित सञ्चारगृहबाट जारी परिचय पत्रका आधारमा सवारी चलाउन दिइने छ ।
अस्पतालमा कार्यरत चिकित्सक, स्वास्थ्यकर्मी र कर्मचारीको सवारी साधन पनि रोकिने छैन ।
यसरी आयोगले सञ्चालन अनुमति दिएका सवारीमा मतदाता ओसारपसार गर्न भने पाइने छैन ।
