प्रतिनिधिसभा अन्तर्गत काभ्रे क्षेत्र नम्बर २ मा नेकपा एमालेका नेता गोकुल बास्कोटा विजयी भएका छन् । उनी ४५ हजार ३ सय ४५ मत सहित विजयी भएका हुन् ।
उनका निकटतम प्रतिस्पर्धी नेपाली कांग्रेसका शिव हुमागाईंले ३९ हजार ५ सय ८२ मत पाएका छन् । यस हिसाबमा बास्कोटाले ५८६३ मतान्तरले विजयी भएका हुन् । यस क्षेत्रमा राष्ट्रिय स्वतन्त्र पार्टीका दिनेश हुमागाईले १० हजार ३ सय ८६ मत पाएका छन् । २०७४ मा बास्कोटा १८७५३ मतान्तरले विजयी भएका थिए ।
काभ्रे क्षेत्र नम्बर १ मा पनि एमाले कै उम्मेदवारले अग्रता लिईरहेका छन् । हालसम्मको गणनामा एमालेका रेशम लामाले १८०२२ मत पाएका छन् भने गठबन्धनका सूर्यमान दोङले १६२०० मत पाएका छन् ।