वाणिज्य, आपूर्ति तथा उपभोक्ता संरक्षण विभागले बरामद गरेको चिनी साल्ट ट्रेडिङलाई बिक्री गरेको छ। विभागले बरामद गरेको ७० हजार किलो चिनी साल्ट ट्रेडिङलाई बिक्री गरेको हो ।
प्रति किलो १०१ रुपैयाँको दरले विभागले उक्त चिनी साल्ट ट्रेडिङलाई बिक्री गरेको हो । अब उक्त चिनी साल्ट ट्रेडिङले सर्वसाधारणलाई बिक्री गर्ने छ ।
विभागले गत हप्ता विभिन्न गोदाममा लुकाएर राखेको चिनी बरामद गरेको थियो । जस मध्ये गुन्जेश्वरी ट्रेडमा बरामद भएको चिनी साल्ट ट्रेडिङलाई बिक्री गरिएको हो । उक्त गोदामलाई भने ३ लाख जरिवाना गरिएको विभागले जनाएको छ ।
७० हजार किलो चिनीले काठमाडौँवासीलाई केहि राहत हुने बताईएको छ ।
