आज सोमबार सुनचाँदीको भाउ घटेको छ । आइतबार प्रतितोला एक लाख १७ हजार रुपैयाँ प्रतितोलाका दरले कारोबार भएको छापावाला सुनको मूल्य सोमबार ५ सयले घटेको हो ।
आज छापावाला सुन प्रतितोला एक लाख १६ हजार ५ सय रुपैयाँमा कारोबार भइरहेको छ । तेजावी सुन पनि तोलामा ५ सय रुपैयाँले घटेर आज एक लाख १५ हजार ९ सय ५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
सुनसँगै आज चाँदीको भाउमा पनि सामान्य गिरावट आएको छ । यसदिन चाँदीको मूल्य प्रतितोला ५ रुपैयाँ घटेर प्रतितोला १ हजार ४१० रुपैयाँमा कारोबार भइरहेको छ ।
नेपाल सुनचाँदी व्यवसायी महासंघले प्रति १० ग्राम छापावाल सुनको मूल्य ९९ हजार ८ सय ८० रुपैयाँ, प्रति १० ग्राम तेजावी सुनको मूल्य ९९ हजार ४ सय १० र प्रति १० ग्राम चाँदीको मूल्य १२ सय ९ रुपैयाँ तोकेको छ ।