.gif)
चालु आर्थिक वर्षको ७ महिनामा १५ सय किलो भन्दा धेरै सुन आयात भएको पाइएको छ । पछिल्लो ७ महिनामा १५ सय १ किलो ८६४ ग्राम् सुन आयात भएको भन्सार विभागले जनाएको छ ।
विभागका अनुसार यो ७ महिनामा नेपालमा भारत, टर्की र यूनाईटेड अरब ईमीरेट्सबाट सुन आयात भएको हो । सबैभन्दा धेरै यूएईबाट आयात भएको विभागको तथ्यांकले देखाउँछ ।
यूएईबाट १४ सय किलो ५०० ग्राम सुन आयात हुँदा टर्की र भारतबाट क्रमशः १०० किलो र १ किलो ३६४ ग्राम सुन आयात भएको छ ।
उक्त सुन आयातबाट १२ अर्ब ५८ करोड ६५ लाख रुपैयाँ विदेशिएको छ । यस्तै १ अर्ब ८८ करोड ७९ लाख रुपैयाँ राजस्व संकलन भएको छ ।
.gif)
