आज मङ्सिर १४ गतेदेखि लक्ष्मी लघुवित्त वित्तीय संस्था १३ औं वर्षमा प्रवेश गरेको गरेको छ । १३औं वार्षिकोत्सवको अवसरमा संस्थाको विभिन्न शाखाले सप्ताह व्यापी वित्तीय साक्षरता कार्यक्रम गरेका छन्।
कम्पनीका अनुसार पर्सा जिल्लाको बडनिहार शाखाले ३३ जना ग्राहक सदस्य र अभिभावकहरुलाई वित्तीय साक्षरता तालिम प्रदान गरेको छ । बर्दिया जिल्लाको टेडियाबजार शाखाद्धारा ५५ जना ग्राहक सदस्य र अभिभावकहरुलाई वित्तीय साक्षरता तालिम प्रदान गरेको छ । त्यस्तै, सर्लाही जिल्लाको गैरबजार शाखाद्धारा श्री बाल गाबिन्द मा.वि. कक्षा १० मा अध्ययनरत ५९ जना विद्यार्थीहरुलाई वित्तीय साक्षरता तालिम गरेको छ । दोलखा जिल्लाको चरिकोट शाखाद्धारा कुटिडाँडा मा.वि. का कक्षा ९ मा अध्ययनरत ६१ जना विद्यार्थीहरुलाई वित्तीय साक्षरता तालिम प्रदान गरेको छ ।
लघुवित्तले १३औँ वार्षिकोत्सवको अवसरमा संस्थाको केन्द्रीय कार्यालयमा रक्तदान कार्यक्रम पनि आयोजना गरेको थियो ।
