एनआईसी एशिया लघुवित्त वित्तीय सस्था लिमिटेडले वित्तिय साक्षरता कार्यक्रम सम्पन्न गरेको छ । लघुवित्तले १४ गते बिहिवार देखि यता सिसहनिया, छिन्चु, सिम्ली, थलह, बड्डिचौर,जुम्ला, नारायणपुर, दुर्गौली, पिपलटार,फर्पिङ, अमरगढी, भिमाद शाखा मार्फत वित्तीय साक्षरता कार्यक्रम सम्पन्न गरेको छ ।
संस्थागत सामाजिक उत्तरदायित्व अन्तर्गत मंसिर महिनामा सो कार्यक्रम सम्पन्न गरेको लघुवित्तले जनाएको छ । विद्यार्थीहरुमा वित्तीय चेतना अभिवृद्धि गराउने उद्देश्यले यस लघुवित्त वित्तीय सस्थाले दर्जन बढि बिद्यालयहरुका ३०० बढि विद्यार्थीलाई वित्तीय साक्षरतासम्बन्धी जानकारी दिएको जनाएको छ ।
लघुवित्तले बालबालिका र युवा वर्गलाई लक्षित गरि यसपटकको वित्तीय साक्षरता कार्यक्रम आयोजना गरेको जनाएको छ । वित्तीय सेवा र पहुँचको अवसरबाट वञ्चित दुर्गम ग्रामीण क्षेत्रमा बसोबास गर्ने सर्वसाधारण र वित्तीय कारोबारबारे अनविज्ञ बिद्यार्थीहरुलाई केन्द्र बिन्दुमा राखेर विद्यालय तहमै वित्तीय प्रणालीको आधारभूत ज्ञान हासिल गराउने यस कार्यक्रम मूल उदेश्य रहेको लघुवित्तले जनाएको छ ।
