.gif)
लघुवित्तका कर्मचारीमाथि आक्रमण भएको घटना प्रति नेपाल लघुवित्त बैंकर्स संघले आफ्नो गम्भीर ध्यानाकर्षण भएको जनाएको छ। यस्ता आक्रमणका घटना रोक्न पनि संघले आग्रह गरेको छ।
संघका अनुसार २०८० /१०/२५ गते गुर्भाकोट नगरपालिका वडा नं.८ स्थित डिप्रोक्स लघुवित्त वित्तीय संस्था लिमिटेड मेहेलकुना, सुर्खेतमा कार्यरत शाखा प्रबन्धक दिपेन्द्र कट्टेलमाथि उणको कार्यकक्षमा गई विना कुनै कारण कथित कान्तिकारी युवा संगठन नेपालद्वारा जनकारवाहिको संज्ञा दिदै कालोमोसो दल्ने तथा हातपात गर्ने जस्तो जगन्य अपराध र अराजक गतिविधि गरेका थिए।
ग्राहक र संस्थाको बिचमा सुमधुर सम्बन्ध कायम गरी ग्राहक संरक्षणको आधारलाई मुख्य प्राथमिकतामा राखी सेवा प्रवाह गर्ने लघुवित्त वित्तीय संस्थाहरु सदैव दृढ रहेको पनि संघले जनाएको छ । साथै यस्ता किसिमका घटनाहरुबाट कत्ति पनि विचलित नभई आगामी दिनमा समेत निरन्तर रुपमा ग्राहक सदस्यहरुलाई अझ उत्कृष्ट सेवा उपलब्ध गराउने प्रतिवद्धता पनि संघले व्यक्त गरेको छ।
.gif)
